- الإتفاقية الدولية الوحيدة اللي أعلن المجلس العسكري تمسكه بيها لحظة ما مسك السلطة كانت اتفاقية كامب ديفيد, مش ميثاق حقوق الإنسان... مثلاً.
- المبنى الوحيد اللي أمِّنته قوات الجيش لحظة نزولها الشوارع كان مبنى اتحاد الإذاعة والتليفزيون, مش المتحف المصري... مثلاً.
- الظهور الوحيد لـ (طنطاوي) كان مع تخريج دفعة شرطة جديدة, مش مع مصابي الثورة اللي انتهكتهم الشرطة... مثلاً.
- المحاكمات الوحيدة اللي ماشية بالـ "قانون" هيّ المحاكمات المدنية لعسكريين زي مبارك, مش المحاكمات العسكرية لمدنيين زي اللي في السجن الحربي... مثلاً.
- ماعرفش مين اللي قتل (علي ماهر) في التحرير يوم 9 إبريل... وبرضه مثلاً.
الجدع جدع... والجبان جبان, ومشيرنا يا جدع... باعنا ف الميدان
أنا نازل يوم 27 مايو عشان أعرف راسي من رجليَّا, ولو ماعرفتش... يبقى إشْ ضمَّني إنها مرحلة انتقالية!!
